இவர் மகாக்கனி, திது, புங்கை, மந்தாரை, பலா, புளியமரம், வேம்பு, தேக்கு, செம்மரம், அரசமரம், மருது, தகரை உள்ளிட்ட 2 ஆயிரம் மரக்கன்றுகளை வாங்கி 15 நாட்களாக பேரையூர் பேரூராட்சியின் 15 வார்டுகளிலும் பணியாளர்கள் மூலம் நடவு செய்து வருகிறார். இப்பணிகளை அவரே நேரடியாக கண்காணிக்கிறார். அத்துடன், மரம் வளர்ப்பதால் ஏற்படும் நன்மைகள் குறித்தும் பொதுமக்களுக்கு விளக்குகிறார்.

அவர் கூறியதாவது: மரம் வளர்ப்பது குறித்து முடிந்த அளவு விழிப்புணர்வு ஏற்படுத்தும் வகையில் இம்முயற்சியில் ஈடுபட்டுள்ளேன். பேரையூரில் சுற்றுச் சூழலை பாதுகாக்கும் வகையில் பேரூராட்சியில் உள்ள அரசு அலுவலகங்கள், பொது இடங்கள் மற்றும் அரசு இடங்களில் முதற் கட்டமாக 2 ஆயிரம் மரக்கன்றுகள் நட முடிவு செய்து பணியாற்றி வருகிறேன். 250 பனை விதைகளை தேனியில் இருந்து வாங்கி அதையும் நடவு செய்து வருகிறேன். நடவு செய்ததோடு நில்லாமல் அவற்றை பராமரிக்கவும் முடிவு செய்துள்ளோம். இதற்கு பொதுமக்களிடம் நல்ல வரவேற்பு கிடைத்துள்ளது என்றார்.