தமிழக பா.ஜ.,வில் 25க்கும் மேற்பட்ட அணிகள், பிரிவுகள் உள்ளன. இப்பதவிகளுக்கு சில மாதங்களுக்கு முன் நிர்வாகிகள் அறிவிக்கப்பட்டனர். அப்போது அண்ணாமலை ஆதரவாளர்கள் புறக்கணிக்கப்பட்டதாக கூறப்பட்டது. சமீப நாட்களாக மாநில தலைவர் நயினார் நாகேந்திரன் தினமும் தனது ஆதரவாளர்களுக்கும் புதிதாக பொறுப்புகள் வழங்கி வருகிறார்.

புதிதாக அறிவிக்கும் நிர்வாகிகளில் அண்ணாமலை ஆதரவாளர்களும் உள்ளதாக தெரிவிக்கின்றனர். நேற்று பொருளாதார பிரிவு மாநில நிர்வாகிகள் இருவர், சமூக ஊடகபிரிவு மாநில செயலாளர்கள் 8 பேர் நியமிக்கப்பட்டுள்ளனர். இவர்களில் மதுரை விஷ்ணுபிரசாத் அண்ணாமலையின் ஆதரவாளர். இவர் கடந்த முறை மாநில துணைப் பொதுச் செயலாளராக செயல்பட்டு வந்த நிலையில், மீண்டும் பதவி தரப்படவில்லை. தற்போது மீண்டும் அதே அணியில் மாநில பொறுப்பில் செயலாளராக அறிவிக்கப்பட்டுள்ளார். இதுபோல சிலருக்கு பொறுப்புகள் வழங்கப்பட்டுள்ளது.