இங்கு அய்யங்கோட்டை சர்வீஸ் ரோடு, தேசிய நெடுஞ்சாலை இடையே பெரிய பள்ளம் உள்ளது. இதில் குப்பையை கொட்டி பகலிலேயே தீவைத்து எரிக்கின்றனர். இதனால் கிளம்பும் புகை எதிரேவரும் வாகனம் தெரியாத நிலை ஏற்படுகிறது. வாகன ஓட்டிகளின் கண்களில் எரிச்சலை உருவாக்குவதால், வாகனங்கள் ஒன்றோடு ஒன்று மோதி விபத்து ஏற்பட வாய்ப்புள்ளது.

சந்திப்பில் 'கிராசிங் ரோடு' உள்ளதால் ஏராளமான வாகனங்கள் நின்று செல்கின்றன இதனால் வாகன ஓட்டிகளுக்கு மூச்சுத் திணறல் ஏற்படுகிறது.

இப்பகுதியில் அதிகமான டேங்கர் லாரிகள் பெட்ரோல், காஸ் ஏற்றி செல்கின்றன. குப்பைத் தீயால் அவற்றில் விபரீதம் விளைய வாய்ப்புள்ளது. ஊராட்சி, நெடுஞ்சாலைத்துறை அதிகாரிகள் உடனே நடவடிக்கை எடுக்க வேண்டும்.