இப்பள்ளியில் 1000க்கும் மேற்பட்ட மாணவிகள் படிக்கின்றனர். பள்ளி வளாகத்தில் வகுப்பறை, கழிப்பறை கட்டடத்திற்கும் சுற்றுச்சுவருக்கும் உள்ள இடைவெளியில் செடி,கொடிகள் அடர்ந்து வளர்ந்துள்ளன. இப்புதரில் இருந்து அவ்வப்போது பாம்புகள் வந்து மாணவியரை அச்சுறுத்தி செல்கின்றன.

ஒரு மாதத்தில் மட்டும் 10 முறைக்கு மேல் பள்ளி வளாகம், வகுப்பறைகளுக்கு பாம்புகள் 'விசிட்' அடித்துள்ளன. பள்ளி வளாக மரக்கிளைகளிலும் காட்சி தந்து அச்சுறுத்தியுள்ளன. சில நாட்களுக்கு முன் பள்ளியில் கலை நிகழ்ச்சி நடந்த போது 6 அடி நீள பாம்பு வந்ததால் மாணவியர் அலறி அடித்து ஓடினர். இதுவரை 5 முறை தீயணைப்பு வீரர்கள் பாம்புகளை பிடித்துள்ளனர். சில சமயங்களில் வீரர்கள் வரும் முன் பாம்புகள் மீண்டும் புதருக்குள் மறைந்து விடுகின்றன.

செடிகளை அகற்றி சுத்தமாக வைத்திருக்காத பள்ளி நிர்வாகத்தால் பெற்றோர் சமூக ஆர்வலர்கள் அதிருப்தி அடைந்துள்ளனர். மாணவியர்கள், ஆசிரியர்கள், ஊழியர்களின் பாதுகாப்பு கேள்விக்குறியாகி உள்ளது. வளாகத்தை துாய்மையாக வைத்திருக்க பள்ளி நிர்வாகம் நடவடிக்கை எடுக்க வேண்டும்.