இவர்களுக்கு ஒன்றரை ஆண்டுகளுக்கு முன் திருமணம் நடந்தது.

கிருத்திக் என்ற மூன்று மாத ஆண் குழந்தை இருந்தது.

பிரசவ விடுப்பில் இருந்த சித்ரா அலங்காநல்லூரில் அம்மா வீட்டில் வசித்து வந்தார். நவ., 24 கணவர் வீட்டிற்கு குழந்தையுடன் சென்றார். நேற்று முன்தினம் கணவர் கார்த்திக் வழக்கம் போல் வேலைக்கு சென்றார்.

கணவர், மாமனார் வேலைக்கு சென்ற நிலையில் மாமியார் மாடுகளை கட்டி விட்டு வருவதாக காலை 10:30 மணிக்கு வெளியில் சென்றார்.

அப்போது குழந்தை தொட்டிலில் தூங்கிக் கொண்டிருக்க சித்ரா அருகில் படுத்து இருந்தார். மாடுகளை கட்டிவிட்டு சித்ராவின் மாமியார் வந்து பார்த்தபோது தொட்டிலில் தூங்கிய குழந்தையை காணவில்லை. அனைவரும் குழந்தையை தேடினர்.

குழந்தையை காணாது சித்ரா மயங்கி விழுந்தார். சித்ராவிற்கு தண்ணீர் தெளிக்க பக்கத்து வீட்டைச் சேர்ந்த நித்யா அண்டாவில் இருந்து நீரை எடுக்க முயன்ற போது குழந்தை மிதந்துள்ளது.

குழந்தையை காரியாபட்டி அரசு மருத்துவமனைக்கு கொண்டு சென்ற போது இறந்து விட்டதாக டாக்டர்கள் தெரிவித்தனர். குழந்தை இறப்பில் மர்மம் இருப்பதாக சித்ரா, கார்த்திக் கொடுத்த புகாரில் கூடக்கோவில் போலீசார் விசாரிக்கின்றனர்.