/
உள்ளூர் செய்திகள்
/
நாமக்கல்
/
பொம்மலாட்டத்துடன் திருக்குறள் பயிற்சி
/
பொம்மலாட்டத்துடன் திருக்குறள் பயிற்சி
ADDED : நவ 30, 2025 01:57 AM
ராசிபுரம், திருக்குறள் திருப்பணிகள் திட்டத்தின், 15வது வாரமாக, ராசிபுரம் தமிழ் கழகம் சார்பில், பாரதிதாசன் சாலை நகராட்சி நடுநிலை பள்ளி மாணவர்களுக்கு, பொம்மலாட்டத்துடன் திருக்குறள் பயிற்சியளிக்கப்பட்டது. ராசிபுரம் தமிழ்ச்சங்க தலைவர் தட்சிணாமூர்த்தி வரவேற்றார். தலைமை ஆசிரியர் பாரதி முன்னிலை வகித்தார். பள்ளி துணை ஆய்வாளர், ராசிபுரம் தமிழ் கழகத்தின் செயலாளர் பெரியசாமி தலைமை வகித்தார்.
திருக்குறள், மாந்தனை மாந்தன் ஆக்குவது; மாந்தனை சான்றோன் ஆக்குவது; தெய்வம் ஆக்குவது என்பது குறித்து விளக்கி பேசினார். மேலும், அதிகாரம், 42, கேள்வி, 43, அறிவுடமை ஆகியவற்றை, பொம்மலாட்ட கலை மூலம், பாடல், இசையுடன் மாணவர்களுக்கு விளக்கினர். அண்ணாசாலை அரசு மேல்நிலைப்பள்ளி பெற்றோர் ஆசிரியர் கழக தலைவர் சங்கர் பொம்மலாட்ட கலைஞர்களை பாராட்டினார். வாகை தமிழ்சங்கத்தின் தலைவர் மனோஜ் குமார் நன்றி கூறினார்.

