திருச்சி, பொன் நகரை சேர்ந்தவர் முகமது சலீம் மகன் முகமது பாசில்ஷா, 22; இன்ஜினியர். இவர், சமூக வலைதளத்தில் வந்த விளம்பரத்தை பார்த்து, வெளிநாட்டில் வேலை வாங்கி தரக்-கோரி, நாமக்கல்லில் உள்ள தனியார் நிறுவனம் ஒன்றை அணு-கினார்.அதற்கு தனியார் நிறுவனத்தினர், 'லண்டனில் வேலை வாங்கி தருவதாகவும்; 19 லட்சம் ரூபாய் செலவாகும்; அங்கு சென்று வேலை செய்தால் மாதம், மூன்று லட்சம் ரூபாய் வரை சம்பாதிக்-கலாம்' என தெரிவித்துள்ளனர்.

மேலும், '40 நாட்களில் வெளிநாட்டிற்கு அனுப்பி, வேலையில் அமர்த்தி விடுவதாகவும்' உறுதியளித்தனர். இதை நம்பி, பல்-வேறு தவணையாக, 18 லட்சத்து, 91,810 ரூபாய் கொடுத்ததாக கூறப்படுகிறது. ஆனால், பேசியபடி வெளிநாட்டிற்கு வேலைக்கு அனுப்பவில்லை.

இதனால் ஏமாற்றமடைந்த முகமது பாசில்ஷா, நாமக்கல் போலீஸ் எஸ்.பி., விமலாவிடம் புகாரளித்துள்ளார்.

இந்நிலையில், தான் கொடுத்த பணத்தை திரும்ப பெற்றுத்தரக்-கோரி, நாமக்கல்-சேலம் சாலையில் உள்ள அந்த நிறுவனத்தின் முன், நேற்று மாலை, 6:00 மணிக்கு, முகமது பாசில்ஷா அமர்ந்து தர்ணா போராட்டத்தில் ஈடுபட்டார்.

இதனால் சிறிது நேரம் பரபரப்பு ஏற்பட்டது.