பள்ளிப்பாளையம் அருகே, ஜீவாசெட் பகுதியில், 'பார்' செயல்படுகிறது. இந்த பாரில், விதிமுறை மீறி இரவு முழுவதும் மது பாட்டில் விற்பனை செய்யப்பட்டு வருகிறது. இதனால் அடிக்கடி பிரச்னையும் ஏற்படுகிறது. அருகில் வசிக்கும் பொதுமக்கள் மிகவும் பாதிக்கப்படுகின்றனர்.

இந்நிலையில், நேற்று நள்ளிரவு நேரத்தில் பள்ளிப்பாளையம் டி.எஸ்.பி., கவுதம் மற்றும் பள்ளிப்பாளையம் போலீசார், சம்பந்தப்பட்ட பாரில் ஆய்வு செய்தனர்.

அப்போது, விதிமீறி பாரில் மது பாட்டிலை விற்பனை செய்த, சிவகங்கையை சேர்ந்த கோபிகண்ணன், 21, என்பவரை, பள்ளிப்பாளையம் போலீசார் கைது செய்தனர். இவரிடம் இருந்து, 247 மது பாட்டில்களை பறிமுதல் செய்தனர்.