குன்னூர் அருகே ஜெகதளா பேரூராட்சியில்,15 வார்டுகள் உள்ளன. இங்கு மொத்தம், 12,455 வாக்காளர்கள் உள்ளனர். வாக்காளர் பட்டியல் சிறப்பு திருத்தத்தின்படி, 8,969 வாக்காளர்கள் படிவங்களை பெற்றுள்ளனர். 850 வாக்காளர்கள் படிவங்களை தரவேண்டி உள்ளது. இதுவரை, 64 பேர் இடம் மாறி சென்றுள்ளனர். 392 பேர் இறந்துள்ளனர். விண்ணப்பங்களை, 'ஆன்லைனில்' பதிவு செய்யும் பணிகள் துரித கதியில் நடந்து வருகிறது.

இந்நிலையில், குன்னுார் சட்டசபை தொகுதியில் இருந்து ஜகதளா பேரூராட்சிக்கு தவறுகளாக ஓட்டுக்கள் இணைக்கப்பட்டுள்ளது.

அ.தி.மு.க., பேரூராட்சி செயலாளர் சஜீவன் கூறுகையில்,''ஜெகதளா பேரூராட்சியில், 90 சதவீத பணிகள் நிறைவு பெற்றுள்ளன. பேரூராட்சியில் சில ஓட்டுக்கள் தவறுதலாக இணைக்கப்பட்டுள்ளது. அதில், உள்ள நபர்களை கண்டுபிடிப்பது சிரமமாக உள்ளது. குறிப்பாக அருவங்காட்டில் ஓட்டு அளிப்பவர், சோகக்தொரை கிராமத்தில் இருப்பார். பழைய அருவங்காட்டில் இருப்பவர் கம்பிசோலையில் ஓட்டு போட்டுள்ளார். இவர்களை பி.எல்.ஓ.,க்கள் கண்டுபிடிப்பதில் சிரமம் ஏற்படுகிறது. எனவே, வாக்காளர்கள் பெயர் உள்ள அந்தந்த பூத்களில் சம்பந்தப்பட்ட வாக்காளர்களை வரவழைத்து உறுதி செய்ய வேண்டும்,'' என்றார்.