/
உள்ளூர் செய்திகள்
/
ராமநாதபுரம்
/
850 கிலோ ரேஷன் அரிசி பறிமுதல்: ஒருவர் கைது
/
850 கிலோ ரேஷன் அரிசி பறிமுதல்: ஒருவர் கைது
ADDED : நவ 29, 2025 12:49 AM

தொண்டி:
ராமநாதபுரம் தொண்டி அருகே தினையத்துாரில் சரக்கு வாகனத்தில் கடத்தப்பட்ட 850 கிலோ ரேஷன் அரிசியை பறிமுதல் செய்த போலீசார் ஒருவரை கைது செய்தனர்.
மதுரை- தொண்டி தேசிய நெடுஞ்சாலையில் ரேஷன் அரிசி கடத்தப் படுவதாக தகவல் கிடைத்தது. தொண்டி போலீஸ் தனிப்பிரிவு ஏட்டு ராஜூ, போலீசார் சென்று வாகன சோதனையில் ஈடுபட்டனர். அந்த வழியாக வந்த சரக்கு வாகனத்தை சோதனை செய்த போது 17 மூடைகளில் 50 கிலோ எடையுள்ள 850 கிலோ ரேஷன் அரிசி, ரொக்க பணம் ரூ.2506 பறிமுதல் செய்து, கடலாடியை சேர்ந்த திருக்கண்ணன் 65, என்பவரை கைது செய்தனர்.
விசாரணையில் அரிசியை சிவகங்கை மாவட்டம் புதுவயல் போன்ற பல பகுதிகளில் உள்ள அரிசி ஆலைகளுக்கு கொண்டு செல்ல இருந்தது தெரியவந்தது.

