அவ்வாறு தேங்கிய மழைநீரில் கொசு உற்பத்தியாவதால் வரும் நாட்களில் நோய் பரவும் அபாயம் உள்ளது. வீடுகள் தோறும் கொசுமருந்து தெளிக்கும் பணியை தீவிரப்படுத்த வேண்டும் என மக்கள் வலியுறுத்தியுள்ளனர்.இதுகுறித்து சுகாதாரத் துறையினர் கூறியதாவது:

வீடுகளின் முன் குவித்து வைக்கப்பட்டுள்ள பழைய பொருட்களில் மழை நீர் தேங்கி டெங்கு கொசுக்கள் உருவாகும் அபாயம் உள்ளது. இதுபோன்ற பொருட்களை அகற்ற உள்ளாட்சி நிர்வாகத்திற்கு பரிந்துரைக்கப்பட்டுள்ளது. பள்ளி மாணவர்களுக்கு காய்ச்சல் பாதிப்பு கண்டறிய சிறப்பு முகாம்கள் நடத்தப்படுகிறது.

காய்ச்சல் பாதிப்பு இருந்தால் அரசு மருத்துவமனையிலோ அல்லது அரசு ஆரம்ப சுகாதார நிலையத்திலோ சிகிச்சை பெற வேண்டும்.

தன்னிச்சையாக மருந்து கடைகளில் மருந்து வாங்கி பயன்படுத்தக் கூடாது என எச்சரிக்கப்பட்டுள்ளது. அதே போல் டெங்கு பரவல் தற்போது வரை கட்டுப்பாட்டில் உள்ளது. ஒரு சில இடங்களில் மட்டும் டெங்கு காய்ச்சல் பதிவாகியுள்ளது. அப்பகுதியில் சுகாதாரத்துறை மூலம் சிறப்பு முகாம் நடத்தப்படுகிறது என்றனர்.