இப்பகுதி சுற்றுலா தலமாக 2017ல் அறிவிக்கப்பட்டது. இதில் காரங்காடு கிராமத்தை சேர்ந்தவர்கள் வனத்துறையினருடன் சேர்ந்து செயல்படும் வகையில் தலைவர், செயலாளர், பொருளாளர் என எட்டு பேர் தேர்ந் தெடுக்கப்பட்டனர்.

அக்கிராமத்தை சேர்ந்த நான்கு பேர் படகுக்கு டோக்கன் வழங்குவது, படகு ஓட்டுவது, ஓட்டல் நடத்துவது போன்ற பணிகளில் ஈடுபட்டனர். இந்நிலையில் செப்.,6ல் பணியாளர்களை மாற்றுவது சம்பந்தமாக கிராம மக்களுக்கும் வனத் துறையினருக்கும் பிரச்னை ஏற்பட்டது. கிராம மக்கள் ஆர்ப்பாட்டத்தில் ஈடு பட்டதால் படகு போக்குவரத்து நிறுத்தப்பட்டது.

இப்பிரச்னை சம்பந்தமாக திருவாடானை தாலுகா அலுவலகத்தில் சமாதான கூட்டத்தில் கிராம மக்கள் தரப்பில் யாரும் கலந்து கொள்ளவில்லை. இதனால் மீண்டும் சுற்றுலா மையத்தை திறக்க முடியாத நிலை ஏற்பட்டுள்ளது. இந்நிலையில் தேவிபட்டினம் மற்றும் திருப்பாலைக்குடியில் சுற்றுலா மையம் திறப்பதற்கான திட்டத்தில் வனத்துறையினர் ஈடுபட்டுள்ளனர்.

வனத்துறை அலுவலர்கள் கூறியதாவது: தேவிபட்டினம், திருப்பாலைக்குடியில் புதிதாக சுற்றுலா மையம் துவங்கலமா என்ற பரிசீலனை உள்ளது. கோடை காலம் துவங்கிய பின் அதற்கான ஆய்வுகள் மேற்கொள்ளப்பட்டு திட்ட அறிக்கை தயார் செய்யபட்டு அரசுக்கு அனுப்பப்படும். காரங்காடு சுற்றுலா மையத்தை நிரந்தரமாக மூடும் திட்டம் இல்லை. மீண்டும் திறக்க கிராம மக்களுடன் பேசி வருகிறோம் என்றனர்.