வங்கக்கடலில் இலங்கை அருகே காற்றழுத்த தாழ்வு மண்டலம் 'தித்வா' புயலாக வலுவடைந்தது. இந்நிலையில் நேற்று ராமநாதபுரம் மாவட்டம் ராமேஸ்வரம் தாலுகா பள்ளிகளுக்கு விடுமுறை அளிக்கப்பட்டது. பரமக்குடியில் பள்ளிகள் இயங்கிய நிலையில் லேசான சாரல் மழை பெய்ததால் காலை முதல் மாணவர்கள் மழையில் பள்ளிக்கு சென்றனர். மேலும் மதியம் 12:30 மணி தொடங்கி ஒவ்வொரு பள்ளியாக விடுப்பு அளிக்கப்பட்டது.

மாணவர்கள், பெற்றோர் நனைந்தபடி செல்லும் சூழல் ஏற்பட்டது. மதியம் தொடங்கி பள்ளிக்கு விடுப்பு அளிக்கப்பட்டதால், பஸ் ஸ்டாண்டில் மாலை நேர பஸ்சுக்காக மாணவர்கள் காத்திருக்கும் சூழல் ஏற்பட்டது.

பஸ் ஸ்டாண்டில் பயணிகள் நிற்கும் இடம் முழுவதும் ஆக்கிரமிக்கப்பட்டு கடைகள் விரிக்கப்பட்டுள்ள. இதனால் வெட்ட வெளியில் மாணவர்கள் மழையில் நின்றிருந்தனர்.

இதேபோல் வருடம் முழுவதும் மழை மற்றும் வெயிலுக்கு மத்தியில் பயணிகள் காத்திருக்க வேண்டி உள்ளது. ஆகவே பஸ் ஸ்டாண்ட் மாற்று இடத்தில் விரிவு படுத்துவதுடன், நிழற்குடைகள் அமைத்து பஸ் ஸ்டாண்டை மேம்படுத்த நடவடிக்கை எடுக்க வேண்டும்.