ராமநாதபுரம் மாவட்டத்தின் கடற்கரை பகுதியில் நேற்று முன்தினம் இரவு முதல் பலத்த மழை பெய்தது. கடற்கரையை ஒட்டியுள்ள கிராமங்களில் கடல்நீர் ஆக்ரோஷமாக காட்சியளித்தது. இருமேனி அருகே உள்ள அலைகாத்தவலசை பகுதியில் கடல் நீர் கிராமத்திற்குள் புகுந்தது. இதனால் கடற்கரையை ஒட்டியுள்ள குடிசை வீடுகள் தண்ணீரில் மூழ்கின. குடிசை பகுதியில் தங்கியிருந்த மக்கள் பாதுகாப்பான இடத்திற்கு அழைத்து செல்லப்பட்டனர். கடற்கரை பகுதியில் படகுகள், மீன்பிடி வலைகள் சேதமடைந்தன.