பரமக்குடி அருகே கணபதி செட்டியார் இன்ஜி., கல்லுாரியில் நேற்று (ஐ.பி.பி.எஸ்.,) வங்கிகளுக்கான கிளர்க் முதன்மை தேர்வு நடந்தது.

இந்த தேர்வில் பங்கேற்க மதுரை, திண்டுக்கல், தேனி மற்றும் கேரள மாநிலம் உட்பட பல்வேறு இடங்களில் இருந்து நேற்று முன்தினம் இரவே புறப்பட்டு வந்தனர். நேற்று காலை 7:00 மணிக்கு தேர்வு அறையில் அமர வேண்டும்.

தேர்வுகள் 8:00 மணி முதல் 10:00 மணிக்குள் ஆன்லைனில் நடக்க இருந்தது. ஆனால் சர்வர் முடங்கியதாக கூறி மாலை 4:00 மணி வரை தேர்வு எழுத முடியாமல் தேர்வாளர்கள் தவித்தனர்.

மாலை 6:30 மணி வரையும் சர்வர் சரியாகவில்லை.

இதையடுத்து மீண்டும் தேர்வுகள் டிச., 2ம் தேதி கீழக்கரை தேர்வு மையத்தில் அடுத்த கட்ட பேட்ச் உடன் சேர்த்து நடத்தப்படும் என தேர்வுத்துறை அதிகாரிகள் தெரிவித்துள்ளனர்.