திருவாடானை வெள்ளையபுரம் அரசு ஆரம்ப சுகாதார நிலையத்தில் தினமும் 200க்கும் மேற்பட்ட நோயாளிகள் வந்து செல்கின்றனர். இங்குள்ள மருந்து எடுக்கும் அறையில் ஊழியர்கள் பணியாற்றிக் கொண்டிருந்த போது நேற்று மாலை 6:00 மணிக்கு கொம்பேரி மூக்கன் பாம்பு புகுந்துள்ளது.

பாம்பை பார்த்ததும் செவிலியர்கள் அதிர்ச்சியடைந்தனர். அனைவரும் வெளியேறியதுடன் திருவாடானை தீயணைப்பு நிலையத்திற்கு தெரிவித்தனர். நிலைய அலுவலர் முருகானந்தம், வீரர்கள் சென்று பாம்பை பிடித்து வனப்பகுதியில் விட்டனர்.