வடகிழக்கு பருவமழை துவங்கிய நிலையில் நீர்நிலைகளில் தண்ணீர் வரத்து அதிகரித்துள்ளது. ராமநாதபுரம் நகரை சுற்றிலும் குளம், ஊருணிகளில் தேங்கும் மழைநீர் கோடைகால குடிநீர் தேவையை பூர்த்தி செய்கிறது. ஆனால் குளங்களை முறையாக துார்வாராமல் இருப்பதால் அவற்றில் பிளாஸ்டிக் கழிவுகள் நிரம்பியுள்ளன.

தற்போது தேங்கியுள்ள மழைநீரில் கழிவுகள் நிரம்பி காணப்படுவதால் குடிநீராக பயன்படுத்த முடியாத சூழல் உள்ளது. மழைநீரை முறையாக தேக்கி வைப்பதில் மாவட்ட நிர்வாகம் போதிய கவனம் செலுத்தாததால் கோடைக் காலத்தில் தண்ணீர் பஞ்சம் ஏற்பட வாய்ப்பு உள்ளது.