அதேபோல் மாவட்ட பகுதிகளிலும் மழை பெய்ததால், வாகன ஓட்டி

கள், ஜர்கின், ரெயின் கோட் அணிந்தபடி சென்றனர். பாதசாரிகள் குடை

பிடித்தபடி நடமாடினர். வாகன போக்குவரத்தும் குறைந்து காணப்பட்டது. இதமான சாரல் மழையால் காலை முதல் குளிர்ந்த சீதோஷ்ண நிலை காணப்பட்டது. அவ்வப்போது குளிர் காற்றும் வீசியதால், மக்கள் நடமாட்டம் வெகுவாக குறைந்து, வீட்டுக்குள்ளேயே முடங்கும் நிலை ஏற்பட்டது.

ஏற்காட்டில் குளிர்

ஏற்காடு அதன் சுற்றுவட்டார பகுதிகளில் நேற்று காலை முதல் பனிமூட்டத்துடன் லேசான மழை பெய்தது. மாலை, 6:30 மணி முதல், மித மழையாக மாறி தொடர்ந்தது. இதனால் தோட்ட தொழிலாளர்கள், உள்ளூர் மக்கள், வேலைக்கு செல்ல முடியாமல் வீடுகளில் முடங்கினர். மேலும் ஏற்காட்டில் நிலவிய பனிமூட்டத்தால், வாகன ஓட்டிகள் மெதுவாக சென்றனர். மேலும் கடுங்குளிரும் இருந்ததால், பஸ் ஸ்டாண்ட் அருகே, வாடகை வாகன ஓட்டிகள், மரக்கட்டைகளை போட்டு தீ மூட்டி குளிர் காய்ந்தனர். தவிர போதிய சுற்றுலா பயணியர் இன்றி, சுற்றுலா தலங்கள் வெறிச்சோடின.