பனமரத்துப்பட்டி, சேலம் மாநகர் மக்களின் குடிநீர் தேவைக்கு, 1911ல் ஆங்கிலேயர்கள் பனமரத்துப்பட்டி ஏரியை உருவாக்கினர். சேலத்துக்கு காவிரி குடிநீர் வந்த பின், பனமரத்துப்பட்டி ஏரி குடிநீர் திட்டத்தை, சேலம் மாநகராட்சி நிர்வாகம் கைவிட்டது. 2005க்கு பின், நீர் வரத்தின்றி வறண்ட ஏரி, முள் காடாக மாறியது. இந்நிலையில் சேலம் கலெக்டர் பிருந்தாதேவி, பனமரத்துப்பட்டி ஏரிக்கு மழை நீர் வரும் தடங்களில் நேற்று ஆய்வு மேற்கொண்டார்.