இப்பேரூராட்சியில் மேலுார் ரோட்டில் அரசு மருத்துவமனை விலக்கு பகுதியில் ரோட்டோர ஆக்கிரமிப்பு கடைகளால் அப்பகுதியில் அடிக்கடி விபத்து நடக்கிறது. சாலை அகலமாக இருந்தாலும் அப்பகுதியில் ஆர்ச் உள்ளதால் ஒரு நேரத்தில் ஒரு பஸ் மட்டுமே செல்ல முடிகிறது. அரசு மருத்துவமனை செல்லும் மக்களுக்காக அங்கு பஸ் நிறுத்தம் செயல்படுகிறது. ஆக்கிரமிப்பு கடைகளால் பயணிகள் பஸ் ஏறும் போதும், இறங்கும் போதும் விபத்து நடக்கிறது. நெருக்கடியான பகுதியாக இருப்பதால் அங்குள்ள ஆக்கிரமிப்புகளை அகற்றி போக்குவரத்தை சீராக்கவும், பயணிகளுக்கு பாதுகாப்பை வழங்கவும் அப்பகுதி மக்கள் வலியுறுத்தியுள்ளனர்.