செயல் அலுவலர் கவிதா, முதுநிலை எழுத்தர் நாகராஜன் கூட்ட பொருளை வாசித்தார். கூட்டத்தில் திருப்புவனத்தில் 16 கோடியே 52 லட்ச ரூபாய் செலவில் குடிநீர் குழாய் பதிப்பு பணி நிறைவடைந்துள்ளது. குழாய் பதிப்பு பணியின் போது சிமென்ட், பேவர் பிளாக் சாலைகள், மழை நீர் வடிகால்கள் சேதமடைந்தன. இவற்றை சீரமைக்க 1கோடியே 81லட்சம் ரூபாய் செலவில் திட்டமதிப்பீட்டிற்கு அனுமதி வழங்கப்பட்டுள்ளது.

மேலும் திருப்புவனத்தில் தற்போதைய அலுவலகம் தீ விபத்தில் சேதமடைந்ததை தொடர்ந்து புதிய கட்டடம் தரை தளம் 68 லட்ச ரூபாய் செலவிலும் முதல் தளம் 50 லட்ச ரூபாய் செலவிலும் கட்டுமான பணிகள் நடந்து வருவது குறித்தும் தீர்மானம் நிறைவேற்றப்பட்டது.

பேரூராட்சியில் பாண்டி என்ற மாற்றுத்திறனாளி நேற்று நியமன உறுப்பினராக பதவியேற்று கொண்டார். கூட்டத்தில் துப்புரவு ஆய்வாளர் பாண்டியன் மற்றும் கவுன்சிலர்கள் பங்கேற்றனர்.