திருப்புத்துார் தாலுகாவில் வாக்காளர் பட்டியல் தீவிர திருத்தத்திற்கான வாக்காளர் கணக்கீட்டு படிவங்களை நவ.4 முதல் வாக்காளர்களிடம் வீடுகளுக்கு சென்றும், ஓட்டுச்சாவடிகளிலும் பி.எல்.ஓ.க்கள் வழங்கியுள்ளனர். இதுவரை 98 சதவீத படிவங்கள் வாக்காளர்களுக்கு வழங்கப்பட்டுள்ளன.

அதில் இதுவரை தாலுகா அளவில் 78 சதவீத படிவங்களை வாக்காளர்கள் பூர்த்தி செய்து திருப்பி தந்துள்ளனர்.

கிராமங்களில் அதிகமாக படிவங்கள் திருப்பித் தரப்பட்டுள்ளது. நகர்புறங்களில் குறைவாக உள்ளது. திருப்புத்துார் பேரூராட்சிக்குள் மட்டும் 35 சதவீத வாக்காளர்களின் படிவங்கள் வராமல் உள்ளன.

இதனால் படிவங்களை திரும்ப பெற எளிதாக செயல்படுத்துவதற்காக மீண்டும் பி.எல்.ஓ.க்கள் ஓட்டுச்சாவடிகளில் இருந்து படிவங்களை பெற உள்ளனர்.

நவ.29,,நவ.30 ஆகிய இரு நாட்கள் ஓட்டுச்சாவடிகளில் வாக்காளர்கள் பூர்த்தி செய்யப்பட்ட படிவங்களை அலுவலக நேரத்தில் பி.எல்.ஓ.க்களிடம் வழங்கலாம். படிவங்கள் பெறாதவர்களும் வாங்கி பூர்த்தி செய்யலாம்.