வடகிழக்கு பருவமழை மற்றும் கிருஷ்ணா நீர் ஆகியவற்றால், நீர்த்தேக்கத்தில் தற்போது, 2,715 டி.எம்.சி., நீர் உள்ளது. நீர்மட்டம், 33.65 அடி. மழைநீர் வினாடிக்கு, 790 கன அடிநீர் வந்து கொண்டிருக்கிறது.

வங்க கடலில் உருவான, 'டிட்வா' புயல் காரணமாக, திருவள்ளூர் மாவட்டத்திற்கு பலத்த மழை பெய்யும் என, எச்சரிக்கை விடப்பட்டு உள்ளது. இதனால், நேற்று முன்னெச்சரிக்கை நடவடிக்கையாக, பூண்டி நீர்த்தேக்கத்தில் உள்ள 16 மதகுகளில், மூன்று மதகுகள் வழியே வினாடிக்கு, 3,000 கனஅடி நீர் திறக்கப்பட்டு உள்ளது.

நீர்த்தேக்கத்தில் இருந்து திறக்கப்பட்ட உபரிநீரால், கொசஸ்தலை ஆற்றில் வெள்ளப்பெருக்கு ஏற்பட்டு உள்ளதால், கரையோர கிராமங்களுக்கு வெள்ள அபாய எச்சரிக்கை விடப்பட்டுள்ளது.