வடகிழக்கு பருவமழை மற்றும் 'டிட்வா' புயல் குறித்து, திருவள்ளூர் கலெக்டர் பிரதாப் கூறியதாவது:

திருவள்ளூரில் மழையால் பாதிக்கப்படும் 133 இடங்கள் கண்டறியப்பட்டு, அங்கு பல்வேறு துறையினர் அடங்கிய 64 மண்டல குழு தயார்நிலையில் உள்ளது.

மாவட்டத்தில், 4,480 முதல் நிலை பொறுப்பாளர், 500 தன்னார்வலர் களுக்கு பயிற்சி அளிக்கப்பட்டுள்ளது.

மாநில பேரிடர் மீட்பு குழுவில் -50 பேர், தமிழ்நாடு பேரிடர் மீட்பு குழுவில் -25 பேர், திருப் பாலைவனம் பல்நோக்கு பாதுகாப்பு மையத்திலும், தேசிய பேரிடர் மீட்பு குழு- 31 பேர், ஆ வடி வட்டத்திலும் தயார் நிலையில் உள்ளனர்.

பொதுமக்களை பாதுகாப்பாக தங்க வைக்க, வைரவன்குப்பம், காட்டுப்பள்ளி புயல் பாதுகாப்பு மையம் - 2, திருப்பாலைவனம், பல்நோக்கு பாதுகாப்பு மையங்கள், ஆண்டார்மடம், பள்ளிப்பாளையம், எளாவூர் -1, மெதிப்பாளையம் ஆகிய ஐந்து இடங்களில் அனைத்து வசதிகளும் ஏற்படுத்தப்பட்டுள்ளன.

மேலும், 674 தற்காலிக தங்குமிடங்களும் தயார் நிலையில் உள்ளன.

சுகாதாரத்துறை வாயிலாக 68 அவசர மீட்பு குழு ஆம்புலன்ஸ் வசதியுடன் தயார் நிலையில் உள்ளன. பேரிடர் காலத்தில் குழந்தைகள், முதியோர் மற்றும் மாற்றுத்திறனாளிகள் ஆகியோரை தங்க வைக்க, சேவாலயா குழந்தைகள் இல்லம் தயார் நிலையில் உள்ளது.

மழைக்கால அவசர உதவிக்கு முதியோர், மாற்றுத்திறனாளிகள் மற்றும் குழந்தைகள் 72990 04456, காது கேளாத, வாய் பேசாத குழந்தைகள் சைகை மொழிபெயர்ப்பாளரை 96262 17078 என்ற எண்ணில் தொடர்பு கொள்ளலாம்.

நிறைமாத கர்ப்பிணியர் மற்றும் 'டயாலிசிஸ்' நோயாளிகள் மாவட்ட அரசு மருத்துவமனையை, 93848 14050 என்ற மொபைல்போன் எண்ணில் தொடர்பு கொள்ளலாம். கால்நடைகளுக்கு பாதிப்பு ஏற்பட்டால், 1962 என்ற உதவி எண்ணை தொடர்பு கொள்ளலாம்.

கலெக்டர் அலுவலகத்தில் செயல்படும் கட்டுப்பாட்டு அறையை, 1077, 044 - -2766 4177, 044- - 2766 6746, 044- - 2766 0035, 044- - 2766 0036 மற்றும் 'வாட்ஸாப்' எண். 94443 17862, 94989 01077 ஆகியவற்றையும் தொடர்பு கொள்ளலாம்.

இவ்வாறு அ வர் கூறினார்.