இதுகுறித்து, திருவள்ளூர் கலெக்டர் பிரதாப் வெளியிட்டுள்ள செய்திக்குறிப்பு:

தேர்தல் ஆணைய உத்தரவின்படி, திருவள்ளூர் மாவட்டத்தில் உள்ள கும்மிடிப்பூண்டி, பொன்னேரி, திருத்தணி, திருவள்ளூர், பூந்தமல்லி, ஆவடி, மதுரவாயல், அம்பத்துார், மாதவரம், திருவொற்றியூர் ஆகிய சட்டசபை தொகுதிகளில், வாக்காளர் பட்டியல் சிறப்பு தீவிர திருத்தம் மேற்கொள்ளப்பட்டு வருகிறது.

வாக்காளர்கள் பெறப்பட்ட படிவத்தை பூர்த்தி செய்து, டிச., 4ம் தேதிக்குள் ஒப்படைக்க வேண்டும். இதில், வாக்காளர்களிடமிருந்து பெறப்படும் படிவங்களை பரிசீலனை செய்து, ஓட்டுச்சாவடி நிலைய அலுவலரின் செயலியிலும் பதிவேற்றம் செய்ய வேண்டியுள்ளது.

எனவே, வாக்காளர்கள் அனைவரும், தங்களுக்கு வழங்கப்பட்ட கணக்கெடுப்பு படிவத்தை பூர்த்தி செய்து வழங்குவதை, முடிந்த வரையில், வரும் 30ம் தேதிக்குள் வழங்க வேண்டும். மேலும், பூர்த்தி செய்யப்பட்ட கணக்கெடுப்பு படிவத்தை, சம்பந்தப்பட்ட ஓட்டுச்சாவடி நிலை அலுவலரிடமோ, அப்பகுதியின் கிராம நிர்வாக அலுவலரிடமோ ஒப்படைக்கலாம்.

இவ்வாறு அதில் கூறப்பட்டுள்ளது.