கூட்டத்தில், குடிநீர், சாலை, மின்விளக்கு உள்ளிட்ட வசதிகளை சரிவர மேற்கொள்வதில்லை என பெரும்பாலான கவுன்சிலர்கள் குற்றஞ்சாட்டினர். அ.தி.மு.க., கவுன்சிலர்கள், 'தங்கள் வார்டுகள் புறக்கணிக்கப்படுகிறது' எனக் கூறி, அதிகாரிகளிடம் வாக்குவாதத்தில் ஈடுபட்டனர்.

துணைத் தலைவர் விஜயகுமார், 'வரவு - செலவு கணக்குகள் முறையாக காண்பிக்கப்படுவதில்லை. முறைகேடுகள் அதிகளவில் நடக்கிறது' எனக் கூறி, தீர்மான நகல்களை கிழித்து எறிந்ததால் பரபரப்பு ஏற்பட்டது.

கூட்டம் நடைபெற்ற போது, நகராட்சிக்கு உட்பட்ட தேவம்மா நகரைச் சேர்ந்த மக்கள் வந்தனர். அவர்கள், 'தங்கள் பகுதியில் சுகாதாரமற்ற குடிநீர் வினியோகம் செய்யப்படுகிறது' எனக் குற்றஞ்சாட்டினர்.

அதிகாரிகள் அவர்களை சமாதானம் செய்து அனுப்பி வைத்தனர்.