புழல், கதிர்வேடு, சீனிவாசன் நகரைச் சேர்ந்தவர் சக்திவேல், 46; பிசியோதெரபி டாக்டர். இவர், விநாயகபுரம் பகுதியில் கிளினிக் நடத்தி வருகிறார்.

வாடகை வீட்டில் வசிக்கும் சக்திவேல், இவரது வீட்டருகே வசிக்கும் 22 வயது இளம்பெண்ணின் வீட்டின் முன், நேற்று முன்தினம் பைக்கை நிறுத்த முயன்றார். அப்போது, 'வாகனத்தை கொஞ்சம் தள்ளி நிறுத்துங்கள்' என, சக்திவேலிடம் இளம்பெண் கூறியுள்ளார்.

அதை கண்டுகொள்ளாத சக்திவேல், இளம்பெண்ணின் கால் மீது பைக்கை ஏற்றினார்.

இதனால், ஏற்பட்ட தகராறில், அப்பெண்ணின் ஆடையை பிடித்து சக்திவேல் இழுத்ததில், ஆடை கிழிந்துள்ளது.

தன்னிடம் அத்துமீறிய சக்திவேல் குறித்து இளம்பெண் அளித்த புகாரை அடுத்து, சக்திவேலை புழல் போலீசார் நேற்று கைது செய்தனர்.