திருவாலங்காடு அடுத்த மணவூர் பகுதியைச் சேர்ந்தவர் கண்ணிகா, 55. இவர், அதே பகுதியில் மளிகை கடை நடத்தி வருகிறார். நேற்று, கண்ணிகா கடையில் இருந்த போது, பதிவெண் இல்லாத வெள்ளை நிற மாருதி கார் வந்தது.

காரில் இருந்து இறங்கிய இருவரில் ஒருவர், தன்னை திருவாலங்காடு எஸ்.ஐ., எனக் கூறிக் கொண்டு கடைக்குள் நுழைந்தார்.

பின், போலி எஸ்.ஐ., 'உங்கள் கடையில் போதை பொருட்கள் விற்பனை செய்வதாக புகார் வருகிறது. எனக்கு, 25,000 ரூபாய் தரவேண்டும்' என, மிரட்டியுள்ளார்.

அதற்கு கண்ணிகா, 'போ தை பொருட்கள் விற்பனை செய்வதில்லை' எனக் கூறிய போது, போலி எஸ்.ஐ., கல்லா பெட்டியில் இருந்த 5,000 ரூபாய், கண்ணிகா கையில் அணிந்திருந்த அரை சவரன் மோதிரத்தை பறித்துக் கொண்டு தப்பிச் சென்றனர்.

இதுகுறித்து, கண்ணிகா அளித்த புகாரின்படி, திருவாலங்காடு போலீசார் வழக்கு பதிந்து விசாரித்து வருகின்றனர்.