கடம்பத்துார் ஒன்றியம் மேல்நல்லாத்துாரைச் சேர்ந்தவர் சுரேஷ்குமார், 43. இவர், கடந்தாண்டு திருவள்ளூரைச் சேர்ந்த நந்தகோபால், 48, என்பவரின் கடைக்கு ஜெராக்ஸ் எடுக்க சென்றுள்ளார்.

அப்போது நந்தகோபால், 'ஹிந்து அறநிலையத் துறையில் வேலை வாங்கி தருகிறேன்' என, சுரேஷ்குமாரிடம் ஆசைவார்த்தை கூறினார். இதை நம்பிய சுரேஷ்குமார், நந்தகோபாலுக்கு சிறுக சிறுக 9.94 லட்சம் ரூபாய் வரை கொடுத்துள்ளார்.

பணத்தை பெற்ற நந்தகோபால், வேலை வாங்கி தராமல் ஏமாற்றி வந்தார். நேற்று முன்தினம் சுரேஷ்குமார் அளித்த புகாரின்படி, திருவள்ளூர் நகர போலீசார் வழக்கு பதிந்து விசாரித்து வருகின்றனர்.