கோயம்பேடு சந்தைக்கு கிருஷ்ணகிரி, ஓசூர், தேனி உள்ளிட்ட பகுதிகளில் இருந்தும், ஆந்திரா, கர்நாடகா உள்ளிட்ட மாநிலங்களில் இருந்தும் தக்காளி வரத்து உள்ளது.

சென்னையை பொறுத்தவரை, தினமும் 1,200 டன் தக்காளி தேவை உள்ளது. வரத்து குறைவால், கடந்த சில நாட்களாக ஒரு கிலோ தக்காளி 80 ரூபாய்க்கு மேல் விற்பனையானது.

இந்த நிலையில், நேற்று 800 டன் தக்காளி வந்தது. அதேநேரம் புயல் மழை எதிரொலியால் வியாபாரம் மந்தமானதையடுத்து, நேற்று முன்தினம் 70 - 80 ரூபாய்க்கு விற்பனையான தக்காளி, நேற்று முதல் ரகம் 60 ரூபாய், இரண்டாம் ரகம் 50 ரூபாய் என, விலை சற்று குறைந்து விற்பனையானது.