பொதட்டூர்பேட்டை அடுத்த மேல்நெடுங்கல் காலனியைச் சேர்ந்தவர் சுப்ரமணி மனைவி அம்சா, 52. இவர், கோயம்பேடு காய்கறி சந்தையில் இருந்து காய்கறியை வாங்கி வந்து, பொதட்டூர்பேட்டை சுற்றுப்பகுதி கிராமங்களில் விற்பனை செய்து வருகிறார்.

கடந்த செப்., 23ம் தேதி கோயம்பேடு சந்தைக்கு சென்ற போது, அவரிடம் இருந்து குட்கா பொருட்களை கோயம்பேடு போலீசார் கைப்பற்றி, அம்சாவை கைது செய்தனர். இவர், கடந்த 30ம் தேதி ஜாமினில் வெளிவந்தார்.

கடந்த 1ம் தேதி முதல் கோயம்பேடு காவல் நிலையத்தில் தினமும் கையெழுத்து போட்டு வந்தார். கடந்த 24ம் தேதி வீட்டில் இருந்து கோயம்பேடு காவல் நிலையத்திற்கு கையெழுத்து போட சென்றார். ஆனால், வீடு திரும்பவில்லை.

இதுகுறித்து அவரது மகன் ராஜா, பொதட்டூர்பேட்டை காவல் நிலையத்தில் புகார் அளித்துள்ளார். வழக்கு பதிந்த போலீசார் விசாரித்து வருகின்றனர்.