திருப்பூர் மாவட்டத்தில், ஜெய்வாபாய், கே.எஸ்.சி. காங்கயம், கார்மல் பெண்கள், பல்லடம் அரசு ஆண்கள் மற்றும் பெண்கள், அவிநாசி அரசு பெண்கள், தாராபுரம் என்.சி.பி. நகராட்சி ஆண்கள், தாராபுரம் அரசு மேல்நிலைப்பள்ளி, உடுமலை ஆண்கள் மேல்நிலைப்பள்ளி, ஆதிதிராவிடர் நலப்பள்ளி உடுமலை ஆகிய பள்ளிகளில் பத்து மையங்களில், 2,661 பேர் இத்தேர்வை எழுதுகின்றனர். இன்று காலை 10:00 மணி முதல், மதியம், 12:30 வரை தேர்வு நடக்கிறது.

திறனாய்வு தேர்வில், ஒவ்வொரு கல்வி மாவட்டத்தில் இருந்தும், 50 மாணவர், 50 மாணவியர் தேர்வு செய்யப்பட்டு அவர்களுக்கு, ஆண்டுக்கு, ஆயிரம் ரூபாய் வீதம், நான்கு ஆண்டுகளுக்கு உதவித்தொகை வழங்கப்படும்.