/
உள்ளூர் செய்திகள்
/
திருப்பூர்
/
இன்றும், நாளையும் 80 சிறப்பு பஸ்கள்
/
இன்றும், நாளையும் 80 சிறப்பு பஸ்கள்
ADDED : நவ 29, 2025 08:11 AM
திருப்பூர்: வெள்ளி மற்றும் சனி இரவு புறப்பட்டு, விடுமுறை நாளான ஞாயிற்றுக்கிழமை சொந்த மாவட்டங்களுக்கு சென்று, திங்கள்கிழமைக்குள் திருப்பூர் திரும்பும் தொழிலாளர் வசதிக்காக வார இறுதி நாட்களில், சிறப்பு பஸ்கள் போக்குவரத்து கழகத்தால் இயக்கப்படுகிறது.
அவ்வகையில், நடப்பு வாரம் கோவில்வழி பஸ் ஸ்டாண்டில் இருந்து, 50; மத்திய பஸ் ஸ்டாண்ட், புதிய பஸ் ஸ்டாண்டில் இருந்து தலா, 15 பஸ்கள் என மொத்தம், 80 சிறப்பு பஸ்கள் இயக்கப்பட உள்ளது. இன்று காலை துவங்கி, திங்கள் அதிகாலை வரை இந்த சிறப்பு பஸ்கள் இயங்கும்.
'கடந்த இரு வாரங்களாக 50 - 60 பஸ் மட்டுமே இயக்கப்பட்டு வந்த நிலையில், நடப்பு வாரம் ஞாயிற்றுக்கிழமை கார்த்திகை வளர்பிறை முகூர்த்தம், விசேஷ தினம் என்பதால், வாராந்திர சிறப்பு பஸ் எண்ணிக்கை அதிகரிக்கப்பட்டுள்ளது,' என, போக்குவரத்து கழக அதிகாரிகள் தெரிவித்தனர்.

