/
உள்ளூர் செய்திகள்
/
திருப்பூர்
/
இ-நாம் திட்ட ஏலத்திற்கு கொப்பரை வரத்து குறைந்தது
/
இ-நாம் திட்ட ஏலத்திற்கு கொப்பரை வரத்து குறைந்தது
இ-நாம் திட்ட ஏலத்திற்கு கொப்பரை வரத்து குறைந்தது
இ-நாம் திட்ட ஏலத்திற்கு கொப்பரை வரத்து குறைந்தது
ADDED : நவ 29, 2025 05:52 AM
உடுமலை: மழை காரணமாக, கொப்பரை உற்பத்தி பாதித்த நிலையில், உடுமலை ஒழுங்கு முறை விற்பனை கூடத்திற்கு இரண்டாம் தர கொப்பரை மட்டுமே விற்பனைக்கு வந்தன.
உடுமலை ஒழுங்கு முறை விற்பனை கூடத்தில், வாரந்தோறும் வியாழக்கிழமைகளில், இ-நாம் திட்டத்தின் கீழ் கொப்பரை மற்றும் தேங்காய் ஏலம் நடந்து வருகிறது. தொடர் மழை காரணமாக, உலர் களங்களில் கொப்பரை உற்பத்தி பாதித்துள்ளது.
இதனால், ஏலத்திற்கு கொப்பரை வரத்து குறைந்த நிலையில், இரண்டாம் தர கொப்பரை மட்டுமே விற்பனைக்கு விவசாயிகள் கொண்டு வந்திருந்தனர். ஏலத்திற்கு, உடுமலை சுற்றுப்புற கிராமங்களிலிருந்து, 8 விவசாயிகள், 33 மூட்டை இரண்டாம் தர கொப்பரை விற்பனைக்கு கொண்டு வந்திருந்தனர். ஐந்து வியாபாரிகள் இ-நாம் ஏலத்தில் பங்கேற்று, ஒரு கிலோ கொப்பரை குறைந்த பட்சமாக, ரூ. 100.76 முதல், 175 வரை, ஏலம் எடுத்தனர்.
அதே போல், 2 விவசாயிகள், 850 தேங்காய்களை விற்பனைக்கு கொண்டு வந்திருந்தனர். ஐந்து வியாபாரிகள் பங்கேற்று, குறைந்த பட்சமாக ஒரு கிலோ தேங்காய்,ரூ. 43க்கும், அதிக பட்சமாக, ரூ.60 வரையும் கொள்முதல் செய்தனர்.

