வேலுார் மாவட்டத்தில் ஒரு கிராமத்தை சேர்ந்த, 16 வயது சிறுமி, 10ம் வகுப்பு படித்து வந்தார். அப்போது, இவரும் அதே கிராமத்தை சேர்ந்த, 24 வயது இளைஞரும் அடிக்கடி தனிமையில் உல்லாசமாக இருந்ததாக கூறப்படுகிறது.

வழக்கம் போல, 2019ல் அந்த சிறுமியும், அவரது காதலனும் தனிமையில் இருந்தனர். அப்போது அதே கிராமத்தை சேர்ந்த பிரதாப், 34, என்பவர் காதல் ஜோடிகளை, ரகசியமாக மொபைல் போனில் போட்டோ எடுத்தார்.

பின், சிறுமியிடம், அந்த போட்டோவை காண்பித்து, மிரட்டி, பல முறை பாலியல் பலாத்காரம் செய்தார். இதில் சிறுமி கர்ப்பமடைந்தார். அதிர்ச்சியடைந்த சிறுமியின் தந்தை, குடியாத்தம் அனைத்து மகளிர் போலீசில் புகார் செய்தார்.

அதன்படி, போலீசார் போக்சோ சட்டத்தின் கீழ் வழக்கு பதிவு செய்து, பிரதாப்பை கைது செய்தனர். பின், சிறுமிக்கு ஆண் குழந்தை பிறந்தது.

இந்த வழக்கு, வேலுார் போக்சோ நீதிமன்றத்தில் நடந்து வந்தது. நேற்று காலை தீர்ப்பு வழங்கப்பட்டது. நீதிபதி ராதாகிருஷ்ணன், பிரதாப்புக்கு, 20 ஆண்டுகள் சிறை தண்டனையும், 10,000 ரூபாய் அபராதமும் விதித்து தீர்ப்பளித்தார்.

இதையடுத்து, பிரதாப்பை போலீசார், வேலுார் மத்திய சிறையில் அடைத்தனர்.