இதற்கான முன்னேற்பாடுகளை செய்யவும், அரசு தரப்பில் அறிவுறுத்தப்பட்டுள்ளது. இதனால், விழுப்புரம் மாவட்டத்தில் முன்னேற்பாடு பணிகளை மாவட்ட நிர்வாகம் முடுக்கிவிட்டுள்ளது.

இது குறித்து, கலெக்டர் ஷேக்அப்துல் ரஹ்மான் கூறுகையில், 'விழுப்புரம் மாவட்டத்திற்கு கனமழை பெய்யும் என வானிலை மையம் எச்சரிக்கை விடுத்துள்ளது. அதற்கான முன்னேற்பாடு பணிகள் மேற்கொள்ளப்பட்டுள்ளன.

ஏற்கனவே 75 சதவீதம் நீர் நிலைகள் நிரம்பியுள்ளன. இதனால், கனமழையின்போது நீர் நிரம்பி வழிந்து பாதிப்பு ஏற்படாமல் தடுக்க ஏரி கரைகளையும், தரைபாலங்களையும் கண்காணிக்க அலுவலர்களுக்கு அறிவுறுத்தப்பட்டுள்ளது.

விழுப்புரம் புதிய பஸ் நிலையத்தில் நீர் நிரம்பினால் உடனே அகற்ற, கூடுதலாக 100 எச்.பி., மோட்டார் தயார் நிலையில் வைக்கப்பட்டுள்ளது. அனைத்து தாலுகாக்களிலும் முக்கிய துறை அலுவலர்கள் கண்காணிப்பில் ஈடுபடவும், மழை வெள்ள தடுப்பு நடவடிக்கை மேற்கொள்ளவும் தயார் நிலையில் இருக்க ஆலோசனை வழங்கப்பட்டுள்ளது' என்றார்.