செஞ்சி, பீரங்கிமேடு அருணாச்சலேஸ்வரர் கோவில் அருகில் 12 லட்சம் ரூபாய் மதிப்பில் புதிதாக இந்து சமய அறநிலையத்துறை ஆய்வாளர் அலுவலகம் கட்டப்பட்டுள்ளது.

இந்த கட்டடத்தை நேற்று முதல்வர் ஸ்டாலின் காணொளி காட்சி மூலம் திறந்து வைத்தார். இதையடுத்து செஞ்சி ஒன்றிய சேர்மன் விஜயகுமார், பேரூராட்சி சேர்மன் மொக்தியார் அலி ஆகியோர் குத்து விளக்கேற்றினர்.

தொடர்ந்து இந்து சமய அறநிலையத்துறை சார்பில் 60 வயது பூர்த்தியடைந்த 19 தம்பதிகளுக்கு மாலை அணிவித்து, புத்தாடை, இனிப்பு மற்றும் பழங்கள் வழங்கி கவுரவிக்கும் நிகழ்ச்சி நடந்தது.

ஒன்றிய கவுன்சிலர் நெடுஞ்செழியன் முன்னிலை வகித்தார். மாவட்ட கவுன்சிலர் அரங்க ஏழுமலை, பொதுக்குழு உறுப்பினர் மணிவண்ணன், ஆய்வாளர் சங்கீதா, மேலாளர் சதீஷ், கணக்காளர் மணி, ஊழியர்கள் இளம்வழுதி, குமார் மற்றும் பேரூராட்சி கவுன்சிலர்கள், கோவில் நிர்வாகிகள், இந்து சமய அறநிலையத் துறையினர் பங்கேற்றனர்.