விழுப்புரம் அரசு மருத்துவமனை வளாகத்தில் நடந்த நிகழ்ச்சிக்கு, மாவட்ட சுகாதாரத்துறை அலுவலர் செந்தில்குமார் தலைமை தாங்கி, விழிப்புணர்வு ரதத்தை துவக்கி வைத்தார். அப்போது, ஆண்களுக்கான நவீன கருத்தடை அவசியம் குறித்தும், அதற்காக மேற்கொண்டுள்ள இருவார விழிப்புணர்வு முகாம்கள், விழிப்புணர்வு நிகழ்ச்சிகள் குறித்து விளக்கினார்.

அரசு மருத்துவக்கல்லுாரி மருத்துவ அலுவலர் ரவிக்குமார், சுகாதாரத்துறை துணை இயக்குநர்கள் பத்மாவதி, சுதாகரன், சுதாகர், மருத்துவக்கல்லுாரி முதல்வர் லுாசிநிர்மல்மடோனா, அரசு மருத்துவமனை மருத்துவ அலுவலர் உமாராணி, நிர்வாக அலுவலர் புஷ்பா, மாவட்ட கல்வியாளர் புவனேஷ்வரி உள்ளிட்ட அலுவலர்கள், சுகாதார பணியாளர்கள் பலர் பங்கேற்றனர்.

விழுப்புரம் அரசு மருத்துவமனையில் வரும் 1ம் தேதியும், திண்டிவனம் அரசு மருத்துவமனையில் 2ம் தேதியும், செஞ்சி அரசு மருத்துவமனையில் 4ம் தேதியும் ஆண்களுக்கான நவீன தழும்பில்லாத குடும்பநல கருத்தடை சிகிச்சை சிறப்பு முகாம் நடக்கிறது. கருத்தடை சிகிச்சை எடுத்துக்கொள்வோர்களுக்கு அரசு சார்பில் 1,100 ரூபாய் ஈட்டுத்தொகை வழங்கப்படும் என மருத்துவர்கள் தெரிவித்தனர்.