விழுப்புரம் அடுத்த கெங்கராம்பாளையம் சோதனைச் சாவடியில் மதுவிலக்கு அமல்பிரிவு போலீசார் வாகன சோதனையில் ஈடுபட்டனர்.

அப்போது, புதுச்சேரியில் இருந்து வந்த மாருதி சுசூகி ஸ்விப்ட் டிசையர் காரை சோதனை செய்தனர். அதில் , சேலம் மாவட்டம், ஆத்துார் அடுத்த முல்லைவாடி புதிய காலனியைச் சேர்ந்த சுகந்தன், 28; மற்றும் தீபக், 20; ஆகியோர் 480 புதுச்சேரி மாநில மதுபாட்டில்கள் கடத்தி வந்தது தெரியவந்தது.

இதையடுத்து, கார், மதுபாட்டில்களை பறிமுதல் செய்து, சுகந்தன், தீபக்கை விழுப்புரம் மதுவிலக்கு அமல்பிரிவில் போலீசார் ஒப்படைத்தனர். தொடர்ந்து, மதுவிலக்கு அமல்பிரிவு போலீசார் வ ழக்குப் பதிந்து, சுகந்தன், தீபக்கை கைது செய்தனர்,