கலெக்டர் ஷேக் அப்துல் ரஹ்மான் செய்திக்குறிப்பு:

விழுப்புரம் மாவட்டத்தில் தனியார் மற்றும் பொது இடங்களில் வன்முறையினால் பாதிக்கப்பட்ட பெண்களுக்காக ஆதரவு வழங்கும் நோக்கத்திற்காக மத்திய அரசின் மகளிர் மற்றும் குழந்தைகள் நலத்திற்காக ஒருங்கிணைந்த சேவை மையம் செயல்பட்டு வருகிறது.

இத்திட்டத்தில், தற்போது வழக்கு ஆலோசகர் (மகளிர் மட்டும்) ஒரு காலி பணியிடம் உள்ளது. இதற்கு கல்வித்தகுதியாக இளங்கலை சமூகப்பணி படித்திருக்க வேண்டும். குறைந்தபட்சம் 3 ஆண்டு முன் அனுபவம் இருக்க வேண்டும். இதற்கான மாத ஊதியம் 18 ஆயிரம் ரூபாய். பெண்கள் மட்டும் விண்ணப்பிக்க முடியும்.

இப்பணி முற்றிலும் தற்காலிகமானது. இப்பணியிடங்களுக்கு தகுதியுள்ள நபர்களிடம் இருந்து வரும் 10ம் தேதிக்குள், விண்ணப்பிக்க வேண்டும். விழுப்புரம் மாவட்ட கலெக்டர் வளாகத்தில் அறை எண்.26, மாவட்ட சமூகநல அலுவலகத்தில் நேரில் வந்து உரிய ஆவணங்களுடன் விண்ணப்பங்களை சமர்ப்பிக்க வேண்டும்.