இந்நிலையில் பாசன வாய்க்கால் ஆக்கிரமிக்கப்படுவதால் மழை நீர், கண்மாயிலிருந்து வெளியேறும் உபரி பாசன நீர் வெளியேற வழி இல்லாமல் வயல்களில் தேங்கி நிற்கிறது. தேங்கியுள்ள நீரில் பயிர்களின் வேர்கள் அழுகுவதுடன் வளர்ச்சி தடைப்பட்டு பயிர்கள் சேதம் அடைவதுடன் விவசாயிகளுக்கு பொருளாதார இழப்பு ஏற்படுகிறது.

மழையின் போதும் அதிக நீர்வரத்தின் போதும் முறையான வடிகால் வசதி இல்லாததுடன் வாய்க்கால்களில் ஆக்கிரமிப்பாளர்கள் நீர் வழித்தடங்களை தடை ஏற்படுத்துவதே இதற்கு காரணம். பாரம்பரியமான நீர்வரத்து வழித்தடங்கள், பாசன வாய்க்கால்கள் குறித்து வருவாய் துறையினரிடம் முறையான கணக்கீட்டை பராமரித்து ஆக்கிரமிப்பு ஏற்படாதவாறு கண்காணித்தால் இவற்றை சரி செய்யலாம்.

ராஜபாளையம் பகுதியில் தற்போதைய மழையால் பல்வேறு இடங்களில் ஆக்கிரமிப்பு காரணமாக மழை நீர் செல்வதில் தடை ஏற்பட்டு பயிர்கள் மூழ்கியுள்ளதுடன் இதே பிரச்னையால் அருகாமையில் உள்ள விவசாயிகள் பாசனத்தை கைவிட்டுள்ளனர்.

வடிகால்களில் ஏற்படும் தடைகளை அகற்ற மாவட்ட நிர்வாகம் நடவடிக்கை எடுக்க வேண்டும்.