10 ஆண்டுக்கு முன் துார்வாரப்பட்டது பெரியசாமி, விவசாயி: இப்பகுதியில் உள்ள பெரிய கண்மாய்களில் இதுவும் ஒன்று. ஒரு முறை நிரம்பினால் போதும், இரு முறை விவசாயம் நடைபெறும். நீர் வரத்து குறைந்ததால் கண்மாய் வறண்டு, வயல்களும் தரிசாகின. தற்போது எங்கு பார்த்தாலும் சீமை கருவேல மரங்கள் அடர்ந்து வளர்ந்து விவசாயம் செய்ய முடியாத அளவிற்கு பாழாகி கிடக்கின்றன. துார்வாரி 10 ஆண்டுகள் ஆகிவிட்டது.

கழிவு நீரால் விவசாயம் பாழ் வீரராஜ், விவசாயி: காரியாபட்டியில் இருந்து வெளியேறும் கழிவு நீர், வரத்து ஓடை வழியாக கலந்ததால் வயல்களில் பாய்ந்து மண்வளம் கெட்டு விவசாயம் செய்ய முடியாமல் போனது. கழிவு நீர் கலப்பதை தடுக்க வேண்டும். மாற்று வழி நீர் வரத்திற்கு தேவையான ஆதாரங்களை ஏற்படுத்த நடவடிக்கை எடுக்க வேண்டும்.

குடிநீர் பாதிப்பு: வெள்ளைச்சாமி, விவசாயி: கண்மாய் நிரம்பியதால்தான் இப்பகுதிக்கு குடிநீர் ஆதாரமாக இருந்தது. பல ஆண்டுகளாக வறண்டு கிடப்பதால் நீர் மட்டம் குறைந்து, உப்பு நீராக சுவைமாரியதால் பயன்படுத்த முடியாத நிலை இருந்து வருகிறது. சீமை கருவேல மரங்களை அப்புறப்படுத்தி, நீர் வரத்திற்கு தேவையான நடவடிக்கை எடுக்க வேண்டும்.