அவர் பேசியதாவது: தமிழகத்தில் சாலை போக்குவரத்து வசதிகளுக்கு அசோக் லேலண்ட் நிறுவனம் பல்வேறு சேவைகளை வழங்கி வருகிறது. தமிழகம் மட்டுமல்ல, நாட்டில் 8 மாநிலங்களில் செயல்படுத்தப்பட்டு, 8 லட்சம் மாணவர்கள் பயனடைய உள்ளனர். தமிழகத்தில் மலைப்பகுதிகளில் ரோடு டூ ஸ்கூல் திட்டம் சிறப்பாக செயல்பட்டு வருகிறது. இப்பகுதியில் 161 பள்ளிகளில் 5 ஆயிரத்து 500 மாணவர்கள் பயனடைய உள்ளனர். எண்ணும் எழுத்தும் திட்டத்தினை 1 முதல் 8 வகுப்பு வரை பயிலும் மாணவர்களுக்கு விரிவுபடுத்த ரோடு டூ ஸ்கூல் திட்டம் முக்கிய பங்காற்றியது.

நடுநிலைப்பள்ளி மாணவர்களுக்கு எழுத்தறிவு, கணித திறனை உருவாக்குவதுடன், உடல் நலம், கலை, விளையாட்டு கல்வி போன்ற வாழ்க்கை திறன் என இணை பாடத்திட்டங்களை ஒருங்கிணைத்து கற்றுத் தருகிறது.

வருகை விகிதத்தை உயர்த்துதல், சுகாதார மேம்பாடு, சமூகத்தில் உள்ள சிக்கல்களை அடையாளம் காணுதல், வாழ்வாதார வாய்ப்புகளை விரிவாக்க கவனம் செலுத்தப்பட்டு வருகிறது.என்றார். முதன்மை கல்வி அலுவலர் அரவிந்தன், அறக்கட்டளை முதன்மை செயல் அலுவலர் சசிகுமார், லெர்னிங் லிங்ஸ் பவுண்டேஷன் திட்ட இயக்குனர் கிரிஸ், வளநபர் ஜெயப்பிரியா உட்பட பலர் கலந்து கொண்டனர்.