3 ஆண்டுகளுக்கு முன்விருதுநகர் -செங்கோட்டை ரயில் பாதை மின்மயமாக்கப்பட்டது. இதையடுத்து இந்த வழித்தடத்தில் மின் ரயில்கள் இயக்கப்பட்டு வருகின்றன.

ஆனால் விருதுநகர் மருத்துவக் கல்லுாரி அருகே விருதுநகர்-சாத்துார் நான்குவழிச் சாலையில் கட்டப்பட்டிருந்த பாலம் உயரம் குறைவாக உள்ளதால் அதன் வழியாக உயர் மின் அழுத்த வயர்களைக் கொண்டு செல்ல முயவில்லை.

இதனால்தரையில் பதித்து மின் கம்பிகள் அடுத்த பகுதிக்கு கொண்டு செல்லப்பட்டுள்ளன. அதோடுஇப்பாலத்தை கடக்கும் போது ரயில் என்ஜின் மேல் பகுதியில் உள்ள மின் கம்பி இறக்கப்பட்டு விடும்.

இதனால் இப்பகுதி யில் கூடுதல் உயரத்துடன் புதிதாக ரயில்வே பாலம் அமைக்க ரயில்வே நிர்வாகம் திட்டமிட்டு அதற்கான பணிகள் துவங்கப்பட்டுள்ளன.

சாத்துார் - விருதுநகர் மார்க்கமாக உள்ள நான்கு வழிச்சாலையில் உள்ளதைப் போன்று கூடுதல் உயரத்துடன் பழைய பாலம் இடிக்கப்பட்டு புதிதாக கட்டப்பட உள்ளது.

இதற்கு நிலத்தின் தன்மை பரிசோதனை செய்யப்பட்டு, தற்போது பாலம் கட்டுமானத்திற்கான அளவீட்டுப் பணிகளை ரயில்வே துறையினரும், ரயில்வே பாலத்தின் இரு புறமும் மேம்பாலம் அமைப்பதற்கான அளவீட்டு பணிகளை தேசிய நெடுஞ்சாலைகள் ஆணையமும் செய்து வருகின்றன.

3 மாதத்தில் பாலம் கட்டுமானப் பணிகள் துவங்கப்பட உள்ளதாக ரயில்வே, தேசிய நெடுஞ்சாலைத்துறை அதிகாரிகள் தெரிவித்தனர். இப்பணி நடக்கும் போது பாதை துண்டிப்பு ஏற்பட்டு விடக்கூடாது என்பதற்காக அருகே மாற்றுப்பாதைக்கு மண் மெத்தி அதன் ரோடு பணிகளும் தீவிரப்படுத்தப்பட்டுள்ளன.