அருப்புக்கோட்டை ஊராட்சி ஒன்றியத்தை சேர்ந்தது கஞ்சநாயக்கன்பட்டி ஊராட்சி. ஊரின் வழியாக மதுரை - தூத்துக்குடி நான்கு வழி சாலை செல்கிறது. இதன் அருகில் உள்ள கல்குவாரி பக்கத்தில், தேசியவேலைவாய்ப்பு உறுதி அளிப்பு திட்டத்தின் கீழ் 2 புதிய குளங்கள் அமைக்க முடிவு செய்யப்பட்டது. இதில் 11 லட்சம் நிதியில் ஒரு குளமும், இதன் அருகிலேயே மற்றொரு குளம் 20 லட்சம் நிதியிலும் கட்டும் பணி 9 மாதங்களுக்கு முன்பு துவங்கப்பட்டது. குளங்களுக்காக தேர்வு செய்யப்பட்ட பகுதி ராமசாமிபுரம் கண்மாயின் மறுகால் வரத்து ஓடை . குளங்கள் அமைக்க முடிவு செய்யப்பட்டு பணிகள் துவங்கியது. 100 நாள் வேலை வாய்ப்பு திட்ட வேலை என்பதால் அத்திட்ட பயனாளிகளை வைத்து ஓடையை இரண்டு புறமும் சுரண்டி உள்ளனர். புதிய குளம் அமைக்கும் பணி பாதியில் நின்றது. ஓடையை மட்டும் சுரண்டியதால் குளங்கள் அமைப்பதற்கான எந்த அறிகுறியும் இல்லை.

இது குறித்து கஞ்சநாயக்கன்பட்டி ஊராட்சி செயலர் சுப்புராஜ் : 100 நாள் வேலை வாய்ப்பு பணியாளர்களை கொண்டு 2 குளங்கள் வெட்டப்பட்டு அதற்கான கூலி பயனாளிகளுக்கு வழங்கப்பட்டது.

காமேஸ்வரி, பி.டி.ஓ., அருப்புக்கோட்டை ஊராட்சி ஒன்றியம் : குளங்கள் அமைக்கும் இடத்தில் பாறைகளாக இருப்பதால் பணி நிறுத்தப்பட்டுள்ளது., என்றார்.

முறையான ஆய்வு எதுவும் செய்யாமல் அதிகாரிகள் கடமைக்கு ஓடையை குளங்களாக வெட்டியதாக கூறி 31 லட்சம் ரூபாய் அரசு நிதியை வீணடித்துள்ளனர். மாவட்ட நிர்வாகம் இது குறித்து நேரில் ஆய்வு செய்து குளங்கள் வெட்டப்பட்டுள்ளதா என்பதை கண்டுபிடிக்க வேண்டும்.

- - - -

படம் உள்ளது