இது குறித்து துறை அதிகாரிகள் கூறியதாவது:

தமிழகத்தில் நிலங்களை அளப்பதில், பாரம்பரிய முறைகளுக்கு மாற்றாக, நவீன தொழில்நுட்பம் பயன்படுத்தப்படுகிறது. டிஜிட்டல் முறையில் நிலங்களை அளக்க நடவடிக்கை எடுக்கப்படுகிறது.

இதற்காக புவியிட தகவல் அமைப்பு எனப்படும், டி.ஜி.பி.எஸ்., அடிப்படையிலான ரோவர் கருவிகளை வாங்க நில அளவை துறை திட்டமிட்டது. அதன்படி, முதலில், 150 கருவிகள், 2022ல் வாங்கப்பட்டன.

இந்த கருவிகளின் செயல்பாடு திருப்தி அளித்த நிலையில், மேலும், 200 ரோவர் கருவிகள் வாங்கப்பட்டன. அவை, 20 மாவட்டங்களில் தேர்வு செய்யப்பட்ட தாலுகாக்களுக்கு பகிர்ந்து அளிக்கப்பட்டன.

இந்நிலையில், மேலும், 450 ரோவர் கருவிகள் வாங்க, நில அளவைத் துறை முடிவு செய்துள்ளது. இதற்கு முன் வாங்கப்பட்டதை விட, அதிநவீன தெழில்நுட்பத்தில் செயல்படும் வகையில் இந்த கருவிகள் இருக்கும்.

இப்புதிய கருவியை பயன்படுத்தி, ஒரு பகுதியில் நில அளவை மேற்கொள்ளப்பட்டால், அந்த விபரங்கள் துறையின் தலைமையகத்தில் உள்ள கணினியில் மிக துல்லியமாக பதிவாகும்.

குறிப்பாக, மொபைல் போன்களில் பயன்படுத்தப்படும், 4ஜி, 5ஜி தொழில்நுட்பத்தில் செயல்படும் ரோவர் கருவிகள், தேர்வு செய்யப்பட்டுள்ளன. இக்கருவிகளை வழங்குவதற்கான நிறுவனங்களை தேர்வு செய்யும் பணிகள் துவக்கப்பட்டுள்ளன.

இவ்வாறு அவர்கள் தெரிவித்தனர்.