விபத்து தொடர்பான ஒரு வழக்கை விசாரித்த சென்னை உயர் நீதிமன்ற நீதிபதி டி.பரதசக்கரவர்த்தி பிறப்பித்த உத்தரவு:

மாஜிஸ்திரேட் நீதிமன்றங்களில் நிலுவையில் உள்ள வழக்குகளில், 20 சதவீத வழக்குகள் விபத்து வழக்குகளாக உள்ளன.

இதில், பெரும்பாலான வழக்குகள், அதிக சக்தி கொண்ட இருசக்கர வாகனங்கள் சம்பந்தப்பட்டவையாக உள்ளன.

அதிக சக்தி மற்றும் எடை கொண்ட இந்த இருசக்கர வாகனங்களை ஓட்டும்போது, எளிதில் கட்டுப்பாட்டை இழந்து விபத்துகள் ஏற்படுகின்றன.

இதுபோன்ற அதிக சக்தி கொண்ட இருசக்கர வாகனங்களை ஓட்டுவோருக்கு, கூடுதல் ஓட்டுநர் திறன் பரிசோதனை நடத்த வேண்டுமா என்பது குறித்து ஆராய வேண்டும்.

அதற்கு, நிபுணர்கள், வாகன உற்பத்தியாளர்கள் உள்ளிட்டோர் அடங்கிய நிபுணர் குழுவை, மூன்று மாதங்களில் மத்திய சாலை போக்குவரத்து துறை அமைக்க வேண்டும்.

அந்த நிபுணர் குழு, நான்கு மாதங்களில் தங்கள் பரிந்துரைகளை மத்திய அரசிற்கு வழங்க வேண்டும். அதன் அடிப்படையில் உரிய நடைமுறைகளை மத்திய அரசு வகுக்க வேண்டும்.

இவ்வாறு அதில் கூறப்பட்டுள்ளது.