நேற்று துவங்கிய இந்த ஒளிக்காட்சி நவ., 23 வரை நடக்கிறது.

புட்டபர்த்தி பிரசாந்தி நிலையத்தில், பகவான் ஸ்ரீ சத்யசாய்பாபாவின் நுாற்றாண்டு விழா துவங்கியுள்ளது.

வரும் 24ம் தேதி வரை, 12 நாட்கள் பல்வேறு சிறப்பு நிகழ்ச்சிகளுக்கு ஏற்பாடு செய்யப்பட்டுள்ளது.

அதில் ஒன்றாக, புனித சித்ராவதி நதியில் லேசர் ஒளிக்காட்சி துவங்கியுள்ளது. இந்த சித்ராவதி நதிக்கரையில் தான், ஸ்ரீசத்ய சாய்பாபா பிறந்த புட்டபர்த்தி நகரம் அமைந்துள்ளது. ஆந்திரா மற்றும் கர்நாடக மாநிலங்களுக்கு இடையே இந்த நதி பாய்கிறது.

லேசர் ஒளிக்காட்சி, பகவான் ஸ்ரீசத்ய சாய்பாபா பிறந்த நாளான நவ.,23 வரை, தினமும் இரவு 7:30 மணி முதல் 9 மணி வரை நடக்க உள்ளது. ஸ்ரீசத்யசாய்பாபாவின் வாழ்க்கை, அவரது செய்தி மற்றும் அவரின் பெருமையை கொண்டாடும் வகையில் இந்நிகழ்ச்சி நடைபெற உள்ளது.

ஸ்ரீசத்ய சாய் மத்திய அறக்கட்டளையின் ஒரு அங்கமான ஸ்ரீசத்யசாய் மீடியா மையம் இந்த நிகழ்ச்சிக்கு ஏற்பாடு செய்துள்ளது.