புதுக்கோட்டையில், நேற்று அவர் அளித்த பேட்டி:

சினிமாவில் நடிப்பவர்கள், ஊழல்வாதி இல்லை என்று சொல்ல முடியாது. கருப்பு பணம் தான், சினிமாவில் முதல் பணம். கருப்பு பணம் வாங்காமல் எந்த சினிமா நடிகரும் இருக்க முடியாது. அவர்கள் 100 கோடி ரூபாய், 200 கோடி ரூபாய் என வாங்கினால், கணக்கில் காண்பிப்பது, 80 கோடி மட்டும் தான்.

மீதி பணத்திற்கு வரி கட்ட மாட்டார்கள். எனவே, ஊழலை எதிர்க்கிறோம் என்று சொல்பவர்கள் தங்கள் ஊழலை, சரிப்படுத்தி விட்டு, அதற்கு பிறகு ஒழிக்க வரட்டும். கடந்த நான்கரை ஆண்டுகளாக, செய்துள்ள களப்பணிகள், தி.மு.க., கூட்டணி வெற்றிக்கு துணை நிற்கும்.

முகத்தில் கர்சீப் போர்த்தி செல்லும் பழக்கம் எங்களுக்கு கிடையாது. இந்தியாவிலேயே, அதற்கு தகுதி உடைய, ஒரே அரசியல் தலைவர் அ.தி.மு.க., பொதுச்செயலர் பழனிசாமி தான்.

கார் மாறி செல்பவர்; 'ஏசி' காரிலேயே, வியர்வை வந்து கர்சீப்பால் துடைத்தேன் என சொல்பவரும் அவர் தான்.

பா.ஜ.,வின் ஸ்லீப்பர் செல்லாகவே செங்கோட்டையனை பார்க்கிறேன்.

எம்.எல்.ஏ., பதவியை ராஜினாமா செய்யும் முடிவுக்கு செங்கோட்டையன் வந்த பின், அவரை அமைச்சர் சேகர்பாபு, நட்பு ரீதியில் கூட அழைத்து இருக்கலாம். ஆனால், பா.ஜ ., ஸ்லீப்பர் செல் லாக இருப்பதால் தான் செங் கோட்டையன் வர வில்லை.

பழனிசாமிக்கும், செங்கோட்டையனுக்கும் நல்ல புரிதல் கிடையாது. அதே நேரத்தில், பா.ஜ.,வோடு செங்கோட்டையனுக்கு நல்ல புரிதல் உள்ளது. எந்த பொறுப்பிலும் இல்லாத செங்கோட்டையன், டெல்லி சென்று, அமித் ஷாவை சந்தித்து விட்டு, அதன் பிறகு, ஒரு முடிவு எடுக்கிறார்.

அமலாக்கத்துறையை வைத்து மத்திய அரசு மிரட்டினாலும் தி.மு.க., பயப்படாது; எதையும் எதிர்கொள்ளும் தைரியமும் துணிச்சலும் எங்களுக்கு இருக்கிறது.

அ.தி.மு.க.,வை பொருட்டாகவே நாங்கள் எடுத்துக் கொள்ளவில்லை; அந்த கட்சி பலவீனம் அடைந்து விட்டது.

இவ்வாறு அவர் கூறினார்.