சென்னை, அசோக் நகரில், காவலர் பயிற்சி கல்லுாரியில், 5வது காவல் ஆணையம் செயல்படுகிறது. அங்கு போலீசார் சார்பில், மயிலாடுதுறை மாவட்டத்தை சேர்ந்த ஓய்வுபெற்ற எஸ்.ஐ., வீரமணி நேற்று அளித்துள்ள மனு:

 சென்னை உயர் நீதிமன்ற உத்தரவின்படி, காவல் நிலையங்கள் மற்றும் அனைத்து உயர் அதிகாரிகளின் அலுவலக அறைகளின் உள்ளேயும், வெளியேயும் 'சிசிடிவி கேமரா' பொருத்த வேண்டும்

 இன்ஸ்பெக்டர்கள் - டி.ஜி.பி., வரை, அரசால் தரப்படும், 'பர்சனல் அமவுன்ட்' என்ற தொகை எந்த விதமான செலவினங்களுக்கு பயன்படுத்தப்படுகிறது என்பதை அனைவரும் அறியும் வண்ணம் டிஜிட்டல் மையமாக்க வேண்டும்

 கான்ஸ்டபிள் - டி.எஸ்.பி., வரையிலானவர்களுக்கு இடர்படி 20 சதவீதம் அதிகரிக்க வேண்டும்

 போலீசாருக்கு தற்செயல் விடுப்பு, 12 நாள் என்பதை, 22 நாளாகவும், ஆண்டுக்கு, 15 நாட்கள் இரு வழி பயண சலுகையுடன் விடுப்பு வழங்க வேண்டும்

 காவல் துறையில், பொது மக்கள் அளிக்கும் புகார்கள் ஏற்கப்பட்டது என்பதற்கு, 'ஒ.டி.பி., அனுப்பும் நடைமுறையை அமல்படுத்த வேண்டும்

 காவல் நிலையத்தின் உயிர் நாடியான தினசரி பொது நாட் குறிப்பு மற்றும் பாரா புத்தகத்தை டிஜிட்டல் மயமாக்க வேண்டும்

 போலீசாருக்கு உரிய நேரத்தில் சலுகைகள், உரிமைகளை கிடைக்க விடாமல் செய்யும் அமைச்சுப்பணியாளர்கள், அவர்களை கண்காணிக்கத் தவறிய அதிகாரிகள் மீது நடவடக்கை எடுக்க வேண்டும்

 காவல் நிலைய செயல்பாடுகள், கடித போக்குவரத்து என, அலுவல் சார்ந்த அனைத்து நடவடிக்கைகளையும், 'இ - ஆபீஸ்' முறைக்கு கொண்டு வர வேண்டும்

 தற்செயல் விடுப்பு கோரி மனுக்கள் மீது, இரண்டு நாட்கள், ஈட்டிய விடுப்பு, லோன் கோரிய மனுக்களுக்கு, ஏழு நாள், மருத்துவ செலவு திரும்பக்கோரிய மனுக்கள் மீது, 10 நாட்களுக்குள் அனுமதி அளிக்க வேண்டும்

 காவல் துறையில் பணிபுரியும் அதிகாரிகள் ஒவ்வொருவருக்கும் ஒரு வாகனம் மட்டுமே பயன்படுத்த அனுமதி வழங்க வேண்டும். இது தொடர்பான தினசரி நாட்குறிப்பில் அதிகாரிகளே கையெழுத்திட வேண்டும்

 காவல் துறையில் அயல் பணி என்ற பேச்சே இருக்கக்கூடாது. அவரவருக்கு ஒதுக்கப்பட்ட இடங்களில் பணிபுரிய வேண்டும். மீறினால், அவர்களுக்கு எவ்வித பணபலனும் வழங்கக்கூடாது

 விளம்பரம், பந்தாவிற்காக, மெய்க்காப்பாளர்களை நியமித்துக் கொள்ளும் நடைமுறைக்கு முடிவு கட்ட வேண்டும். தேவையென கருதினால், காவல் துறை அதிகாரிகள் அரசுக்கு கட்டணம் செலுத்தி, மெய்க்காப்பாளர்களை வைத்துக்கொள்ளலாம்

 கைதிகளை எப்போதும், 'வீடியோ கான்பரன்ஸ்' முறையில் ஆஜர்படுத்தும் நடைமுறையை அமல்படுத்த வேண்டும் என்பது உட்பட, 45 கோரிக்கைகள் முன் வைக்கப்பட்டுஉள்ளன.